Un recueil de textes mêlant sensibilité et intellect qui évoquent des mondes intimes et leurs fragilités. ©Electre 2024
Ci hè u fretu quantunqua... i me mani sò ghjacciati. Pargu una sarpi. Sarà u segnu ch'e m'avvicinu di un cantu duva ùn si pò rivena ? A virghjini l'hà pussutu scrasà. Possu pruvà ma sò troppu numarosi. Cù i so corpi cutrati chì rampicheghjani inghjiru à mè, mi sentu sola. Ùn mi ricunnoscini micca. Pà eddi, socu solu un puntu di calori, ma stu caldu u mi cacciani à pocu à pocu. Divintaraghju com'eddi ? Ghjè pussibuli. Ma culpa à quali ? A soia o a voscia. Difatti, seti vo chì m'aveti puntata vers'ad eddi. Parchì dicu puntata ? Vuliu dì lampata. Mi ritrovu in fondu à stu tafonu è ùn aghju alcunu mezu da pudè sorta da quì. Ci sarà qualchissia chì mi ghjittarà una funa ? Ùn ci hè più nimu. Socu l'unica parsona chì ferma. L'unica chì t'hà sempri una parti infima d'umanità. Mi tocca à luttà da salvà la. Provu ad arrampicà mi, t'aghju i me primi spiddaturi. Diventani piaghi, u sangui scorri, ùn si pianta micca. Scorri longu à i me bracci. N'aghju ind'è l'ochji, a me visioni s'avvilineghja, ùn vecu più nudda. Ùn pinsavu micca ch'edda asistia qualcosa di più tetra chè a bughjura ma u culori di u sangui ghjè peghju chì quiddu di l'imbuli duva m'aveti lacata. Ti pregu un'ultima volta. Sì tù ùn ghjunghji à salvà mi, qual'hè chì pudarà ? Sola ùn ci possu riescia. I me mani sculiscini à pocu à pocu, a me caduta hà da essa brutali. Mi ritengu.
Paru le : 01/12/2018
Thématique : Littérature Pays de l'Est
Auteur(s) : Auteur : Philippa Santoni
Éditeur(s) :
Albiana
Collection(s) : Calamaii, prosa corsa
Série(s) : Non précisé.
ISBN : 978-2-8241-0953-4
EAN13 : 9782824109534
Reliure : Broché
Pages : 55
Hauteur: 21.0 cm / Largeur 15.0 cm
Épaisseur: 0.5 cm
Poids: 130 g
Carte fidélité
Mollat Radio
