Résumé
Une description des tendances observables dans le répertoire langagier individuel des Réunionnais créolophones. L'auteur examine la syntaxe, la phonologie et le lexique, ainsi que les modes de discours et le concept d'interlecte, développé par L.-F. Prudent. Il analyse la cohabitation du créole et du français dans un cadre interlectal, la politique linguistique, l'enseignement du créole, etc. ©Electre 2025
Quatrième de couverture
Kréol èk fransé La Rényon :
In manir-war sosyolingwistik, épistémolozik, politik
Akoz ékrir in liv linivérsité an kréol ? Fabrice Georger i réponn : akoz pa ? Akoz pa pous plis Iwin lang-la dann bann plas la kit pou le fransé oubyin le langlé ? Pakapab lé mor san éséyé ! Alors, li propoz térla in liv i koz si bann késtyon lingwistik La Rényon, an kréol. San prétansyon, li tash manir rant anparmi le lékipman le lang pou bann dominn ankor tro nèv.
Dann son manir-war, li poz le késtyon : kosa i koz La Rényon kan i prétan koz fransé oubyinsa kréol ? Bann « mélanz » i antann i ariv san in lorganizasyon ? Fabrice Georger i tash manir fé inn déskripsyon bann tandans zénéral i antann dann le répértwar kozé le mazorité bann Rényoné kréolofone. Li romark le sintaks i zwé pa le minm roi bann zéléman i konsèrne le fonolozi épisa le léksik. I giny fé osi le diférans rant dé-trwa manir kozé par rapor le sityasyon kominikasyon. Dann bann sityasyon toulézour, li tyinbo ansanm le konsèp le lintérlèk, son Profésér Lambert-Félix Prudent la téorizé. Dann bann sityasyon ousa i aprann, an zénéral dann lékol, bann zénonsé intérléktal partikilyé i kost plis sanm bann manir le lintérlang dé-trwa didaktisyin la dékrir. Li analiz alors térla le koabitasyon le kréol èk le fransé dann in manir intérlèktal épisa konplèks. Le lotér i partaz an gran son bann manir-war épistémolozik, Louis-Jean Calvet, Didier de Robillard èk Philippe Blanchet la bonpé infliansé.
Bann trwa dérnyé mené i abord trwa sizé i rès ankor sho La Rényon : le politik lingwistik, le kréol dann lékol épisa son lékritir. Li propoz alors, partaz son manir-war dann bann gran tinm le kréolistik rényoné.
Carte fidélité
Mollat Radio
