En 1491, à Bastia, le gouverneur Galeazzo de Lèvanto prend possession de sa charge. La noblesse corse accepte mal la tutelle gênoise. Un roman historique sur fond d'intrigues politiques et amoureuses. ©Electre 2024
Stu rumanzu, u quartu scrittu da Georges de Zerbi, ambientatu versa a fine di u quindecèsimu sèculu, ci rimanda à l'èpica chì a Corsica era sottumessa à u putere ghjenuvese. Stòricu, stu rumanzu l'hè di siguru, in quantu ch'ellu hè impuntellatu da parechje surgente storiche : a prima sò l'istruzzione secrete date da a Serenissima Republica di Ghjènuva, o da u Bancu di San Ghjorghju segondu à chì guvernava a Corsica, à ogni guvernatore mandatu ind'è l'Isula. Hè interessante di nutà quantu i Ghjenuvèsi piglièssinu cura di a Corsica ancu sè, in parechji casi, si pudessi pensà ch'elli a trascurèssinu , o peghju, ch'elli a trattèssinu in modu pocu mansuetu.
L'altra surgente hè un'òpera di Francesco Luri chì descrive eun precisione assai minuta l'etichetta di a corte di u guvernatore chì si trattava di seguità cun assai rispettu. Pudemu avè, in stu modu, una idea chjara di cume ella campessi a corte di u guvernatore in ogni circustanza di a so vita pùblica.
Un'altra testimunianza hè quella data da i prelati, curati o vicarii taliani incarcerati ind'è e prigiò di Bastia, vene à dì i fondi fràcichi di u palazzu di u guvernatori, da Napuleone I in 1812 per via ch'elli avìanu rifusatu di prestà u ghjuramentu di a Custituzione civile di u Cleru. Si misura, tandu, e cundizione spaventose è inumane ch'elli suppurtàvanu sta pòvera ghjente.
Gràtusine à tutti sti ducumenti stòrichi, u lettore si puderà fà un'idea abbastanza precisa di a vita, l'usi è e scelte pulìtiche à quelli tempi.
Paru le : 10/01/2017
Thématique : Littérature italienne en VO
Auteur(s) : Auteur : Georges de Zerbi
Éditeur(s) :
Colonna Ed.
Collection(s) : Non précisé.
Série(s) : Non précisé.
ISBN : 978-2-36984-031-2
EAN13 : 9782369840312
Reliure : Broché
Pages : 179
Hauteur: 22.0 cm / Largeur 14.0 cm
Épaisseur: 1.2 cm
Poids: 250 g
Carte fidélité
Mollat Radio
